केसरों केसरों परमेश्वरो रे भजन लिरिक्स

केसरों केसरों परमेश्वरो रे भजन

गोरखनाथ जी के भजन लिरिक्स

केसरों केसरों परमेश्वरो रे,
थारी किलंगी में हीरा मोती लाल रे,
नागण का जाया पहला बीराजे केसरों ॥टेक॥

काँटी कटेली थारो खेजडो रे
धज्जा फरुक असमान,
नागण का जाया भलो बीराजे केसरों ॥टेक॥

कुण तो चिणायो थारो देवरों रे,
कुण तो लगायी गज नीम रे,
नागण का जाया भलो बीराजे केसरों ॥टेक॥

राजा जी चिणायो थारो देवरों रे,
सेवका लगायी गज नीम रे,
नागण का जाया भलो बीराजे केसरों ॥टेक॥

क गज ऊँचो थारो देवरों रे,
क गज उंडी थारी नीम रे,
नागण का जाया भलो बीराजे केसरों ॥टेक॥

नौ गज ऊँचो थारो देवरों रे,
दस गज उंडी थारी नीम रे,
नागण का जाया भलो बीराजे केसरों ॥टेक॥

क लख आव थार जातरी रे,
क लख आव बालुडा री माय रे,
नागण का जाया भलो बीराजे केसरों ॥टेक॥

नौ लख आव थार जातरी रे,
दस लख आव बालुडा री माय रे,
नागण का जाया भलो बीराजे केसरों ॥टेक॥

मूंगफली सी थारी आंगली रे,
चोटया में बासक नाग रे,
नागण का जाया भलो बीराजे केसरों ॥टेक॥

शुद्ध आठ थान धोक सया रे,
नौमी गोगाजी चौहाण रे,
नागण का जाया भलो बीराजे केसरों ॥टेक॥

Writter: Shivansh

BhajanWithLyrics वेबसाइट पर हम सभी देवी-देवताओं के आरती, चालीसा, मंत्र तथा भजन लिखते हैं ।
यदि आपको किसी भजन की लिरिक्स चाहिए या हमारे द्वारा लिखे हुए भजन लिरिक्स में कोई त्रुटी हो तो सभी भक्तगणों विनती है की आप हमें कमेंट / मेल करके बताए ताकि हम त्रुटी सुधार सके, हम आपको नए भजन उपलब्ध करवायेगें ।