Chalo Dekhan n Baisa Tharo Beero Nach Re
चालो देखण न बाईसा थारो बीरो नाच रे
चालो देखण न बाईसा,
थारो बीरो नाच रे,
बीरो नाच र क,
थारो भाई नाच रे
चालो देखण न,
अर र चालो देखण न ।।टेर।।
आ रसियां की टोळी देखो,
ढोलक चंग बजावै रे,
घूमर घाल सायबो यो,
लुळ-लुळ नाच रे ।
चालो देखण न अर र,
चालो देखण न ।।1।।
बणकर बींद सेवरो बांध्यो,
रंग म भरया बराती रे,
मुंछ्यां हाळी बींदणी,
क साग नाच रे ।
चालो देखण न,
अर र चालो देखण न ।।2।।
च्यार तो चंगा की जोड़ी,
बाजारा म बाजै रे,
गुजरण गोखै बैठी गोरड़ी,
घूँघट से झांक रे ।
चालो देखण न,
अर र चालो देखण न ।।3।।
च्यार तो चंगा की जोड़ी,
बागां मांही बाजै रे,
फुलड़ा चुगती छोरियां,
चंगा पर नाच रे ।
चालो देखण न,
अर र चालो देखण न ।।4।।
Singer: Prakash Ji (PMC)
Lyrics : Shivansh Jangid
Follow & Join Our Community
