Aaja Re Manmohan Meera Medatni Bulave
बाबोसा मायड़ माने लाड लडाई रे,
राम जाणे राणा तने क्यूं परणाई रे,
थासू प्रीत राणा दाय कोनी आवे रे,
आजा रे मनमोहन मीरा मेड़तणी बुलावे रे ।।टेर।।
हा जन्म जन्म री मीरा जोगण भई रे,
दीवानी तू काई जाणे प्रीत पुराणी रे,
मनड़ो मोहन सु लागो और कोनी भावे रे,
आजा रे सांवरिया मीरा मेड़तणी बुलावे रे ।।टेर।।
हा पत्थर थे काई पूजो यू बोले राणो जी,
ठाकुर ने जीमाओ जद साची प्रीत जाणु जी,
कुड़ कपट कुल रे दाग लगावे रे,
आजा रे नंदलाला मीरा मेड़तणी बुलावे रे ।।टेर।।
हे दूध रो कटोरो भर मीराबाई आई रे,
पीलो म्हारा सांवरा भगता री दवाई रे,
दास उदास ऊबी आंसू डलकावे रे,
आजा रे मनमोहन मीरा मेड़तणी बुलावे रे ।।टेर।।
हो मीरा री आवाज सुण श्याम धनी आयो रे,
दूध रो कटोरो भरियो सारो ही गट कायो रे,
हां जन्म-जन्म रो साथी कृष्ण केलावे रे,
आजा रे मनमोहन मीरा मेड़तणी बुलावे रे ।।टेर।।
हो अमर सुहागण भागण राठौड़ा री जाई रे,
पिवरीयो सासरीयो दोनू तागो मीराबाई रे,
हो मीरा बाई री ओलुडी ने माधु सिंह गावे रे,
आजा रे मनमोहन मीरा मेड़तणी बुलावे रे ।।टेर।।
बाबोसा मायड़ माने लाड लडाई रे,
राम जाणे राणा तने क्यूं परणाई रे,
थासू प्रीत राणा दाय कोनी आवे रे,
आजा रे मनमोहन मीरा मेड़तणी बुलावे रे।।
Singer : Bhagwat Suthar
श्री कृष्ण जी के नये लिरिक्स आप यहाँ पर पढ़ सकते है:
- करमा म्हारो नाम, यो ही छे म्हारो गांव लिरिक्स
- मेरा नील वरण सा श्याम भजन लिरिक्स
- तू तो बड़े भागन है राधा भजन लिरिक्स
- मेरी ज़िन्दगी सवर जाए भजन लिरिक्स
Follow & Join Our Community
