बालम छोटो सो होली गीत लिरिक्स

Balam Chhoto So Holi Bhajan Lyrics –

Holi Geet Lyrics

पांच बरस को मेघुड़ो,
पच्चीसा ढळ गई नार,
बालम छोटो सो ।।टेर।।

छोटो क मोटो गौरी मतना कहो,
कोई राख मर्द की लाज मोटो होय ज्यासी

बाजारां म जाता ढ़ोलो हठ पकड्यो
म्हान झुंझणियो दिरादे घर नार,
बालम छोटो सो ।।टेर।।

झुंझणियो दिरासी थारा मायर बाप,
म्हारी काया मत बाळो भरतार,
बालम छोटो सो ।।टेर।।

हलवाया क जाता ढ़ोलो हठ पकड्यो
म्हान लाडूड़ो दिरादे घर नार,
बालम छोटो सो ।।टेर।।

लाडूड़ो दिरासी थारा मायर बाप
म्हान लाजा मत मारो भरतार,
बालम छोटो सो ।।टेर।।

खातीडे क जाता ढ़ोलो हठ पकड्यो
म्हान गाडूल्यो दिरादे घर नार,
बालम छोटो सो ।।टेर।।

गाडूल्यो दिरासी थारा मायर बाप
म्हारी छाती मत बालो भरतार,
बालम छोटो सो ।।टेर।।

महलां मे जाता ढ़ोलो हठ पकड्यो,
म्हाने गोद्या में उठा ले घर नार,
बालम छोटो सो ।।टेर।।

आछि र परणाई म्हारा मायर बाप,
म्हारो जोबन ऐड़ो जाय,
बालम छोटो सो ।।टेर।।

Uploaded By : Harshita Jangir

Follow & Join Our Community