Aato Surga Ne Sarmave Lyrics In Hindi
आतो सूरगां न सरमावे,
ई पर देव रमण न आव,
ई रो जस नर-नारी गाव,
धरती धौरांरी, धरती-धौरांरी ।।टेर।।
सूरज कण-कण न चमकाव,
चन्दो अमृत रस बरसाव,
तारा निछरावण कर जाव,
धरती धौरांरी, धरती-धौरांरी ।।1।।
पंछी मधुरा – मधुरा बोल,
मिसरी मीठा सुर म घोळ,
झीणो बायरियो पंपौळ,
धरती धौरांरी, धरती-धौरांरी ।।2।।
ईरो बीकाणो गरवीलो,
ईरो अलवर बड़ो हठिलो,
ईरो सीकरियो भड़कीलो,
धरती धौरांरी, धरती-धौरांरी ।।3।।
जयपुर नगरां री पटराणी,
कोटा बूंदी कद अणजाणीं,
चम्बल कैवे ईरी कहाणी,
धरती धौरांरी, धरती-धौरांरी ।।4।।
काळा बादळिया गहराव,
बिरखा घूंघरिया घमकाव,
बिजळी डरती औला खाव,
धरती धौरांरी, धरती-धौरांरी ।।5।।
ई पर तनडो मनडो वारां,
ई पर जीवन प्राण उबारा,
ई री ध्वजा उड़े गिगनारां,
धरती धौरांरी, धरती-धौरांरी ।।6।।
ईरे सत री आण निभावां,
इ रे तप ने नहीं लजावां,
इने माथो भेंट चढ़ावां,
धरती धौरांरी, धरती-धौरांरी ।।7।।
ई रा कैंया भाग सरावां,
ई रा मंगळ गीत सुणावां,
ईरी धूल ललाट लगावां,
धरती धौरांरी, धरती-धौरांरी ।।8।।
Follow & Join Our Community
