ओ दे गयो कागद पोस्टमैन लिरिक्स

O De Gayo Kagad Postmain Lyrics In Hindi

ओ दे गयो कागद पोस्टमैन,
म्हारा पीव घर आसी जी
आ शरद पूनम की रात,
चांदनी रंग बरसा सी जी,
पलंग म्हारो हरो हो ज्यासी जी
ओ दे गयो कागद पोस्टमैन ॥टेर॥

पतला पतला फलका पोस्यूँ,
उजळी रान्धू खीर – २
आँगन बैठ जिमास्यूं,
म्हारी नणदल बाई रा बीर
म्हारे मन री बात सुणास्यूं,
जद म्हाने गले लगासी
आ शरद पूनम की रात,
चांदनी रंग बरसा सी जी
ओ दे गयो कागद पोस्टमैन ॥टेर॥

काजल टीकी लगाके करस्यूँ,
मैं सोळा सिणगार – २
बाट जोवते आंख्या थकगी,
कद आसी भरतार
म्हारा मेहँदी राच्या हाथ,
बलम ने घणा सुहासी जी
आ शरद पूनम की रात,
चांदनी रंग बरसा सी जी
ओ दे गयो कागद पोस्टमैन ॥टेर॥

सावण बीत्यो फागण जावे,
बीत्या तीज त्यौहार – २
घणी अडीकी जद यो,
आयो मिलबा को त्यौहार,
ओ रंगां को त्यौहार बलम,
म्हारे रंग रंग ज्यासी जी
आ शरद पूनम की रात,
चांदनी रंग बरसा सी जी
ओ दे गयो कागद पोस्टमैन ॥टेर॥

Singer: Pooja Dotasara

Writter: Harshita